Konknni borovpian ani vachpian uchchar somzun gheunk zai : Fr. Ave Maria Afonso

Pustok prodorxonak boro protisad

Majorda : Borie toren Konknnicho vapor zatolo zalear protiek borovpian ani vachpian adim uchchar somzun gheunk zai ani bhxechem nem’ pallun aplem sahit’ya rochunk zai.  Toxench  itlo thokos gheun pois-poisul’lea ganvamni vochun Konknnichi zagrutai korpi Dalgado Konknni Akademichi Konknni mogiamni tust korunk zai kiteak hie Konknni Zagrutai Karyavollimni te je mahiti ani xikvonn ditat ti soglleank khub mohotvachi asa, oxe ugdar Majorddechea Mother of God Firgojecho padr vigar Fr. Ave Maria Afonso hannem kaddle.  Dalgado Konknni Akademin (DKA) ghoddoun haddlolie Konknni Zagrutai Karyavollint to uloitalo.  Tache borabor DKA Odheokx Tomazinho Cardozo, Chittnis Vincy Quados, Bhanddari Celso Fernandes ani Irene Cardozo hajir aslim.

Protiek borovpian nitt toren Konknni borounchie khatir DKA-n ‘Romi Lipint Borovpiank ani Vachpiank SANGATI’ hem pustok uzvaddailam ani tem lokam meren pavonk zai mhunn oslea karyavollimni tacho prosar zata. DKA-cho Chittnis ani borovpi Vincy Quadros hannem thodde bhitor hea pustokacho attap diun Romi lipint Konknni borounk ani vachunk koxie toren hem pustok vaprunk zata, tacher udahoronnam diun ulovp kelem.  Hea vellar khas toyar kelolim vachpam kaim zonnam koddlean vachun ghetlim ani vachtanam kednam goddbodd zata tacherui somzonni dili.

Uprant GKA-n uzvaddailolea ‘Amche Dobaje Amchim Amontronnam’ hea amontronnachea nomunea pustokachi ani Amche Dobaje ani Amchim Gitam’ hie gitanchie CD-chea karyancher uzvadd ghalun DKA-cho Odheokx Tomazinho Cardozo hannem mahiti dili ani amchea dobajeam vellar gavunk mellpi hie Audio CD-intlim 5 mukhel gitam mhunnon dakhoilim je vorvim lokamni aplea jivitant tancho vapor korcho. 

100 voir hajir aslolea lokamni hea DKA-chea vaurachi tokhnnai keli ani bore bhoxen Konknni borounk xikounk zata zalear ‘Sangati’ pustokacher ek kurs ghoddoun haddcho mhunn magnni keli, jika DKA-n maneotai dili.

Hajir aslolea lokamni DKA-n ghoddoun haddlolea pustok prodorxonacho boro asvad ghetlo ani pustokam viktim gheun tannim vachpachi umed dakhoili.

Boro protisad mell’llolie hie karyavollichea xevottak Celso Fernandes-an soglleanche upkar mandle.

*******

Vincy Quadros haka Konknni Bhasha Mandal-acho JOSE PIEDADE QUADROS yadostik
KARYAKORTO PUROSKAR bhettoilo

Moddganv : Oxem chukun ghoddtta ki konn eklo aplea soireanchea vo mogacheachea nanvan eke sonsthe vorvim puroskar sthan korta ani kednam tori to takach favo zata.  Hanga oxench ghoddlem.

Sumar 2010 vorsak Vincy Quadros-an Konknni Karyakorto Puroskar sthapon kelo ani to Konknni Bhasha Mandal-an dovorcho mhunn agro kelo.  Oxem korpachem karonn aslem ki Gõychio fanki sonstha tornatteank puroskar diatalio ani 60 vorsam pirai humploleank puroskar ditali.  Mhunnje 40 tem 60 vorsam sokol pirayeche modlie pirayechea tornatteank umed divpak seva puroskar nasle.  Zoxem tornatteank puroskar diun umed haddttat toxech hea pirayechea tornatteankui umed divpachea hetun ho puroskar sthapon kelolo.

Fattlim sat vorsm vingodd vingodd vattharantlea modlea voyachea karyakorteank puroskar bhettoile uprant hea vorsak toch puroskar Vincy Quadros-ak favo zalo.

Ho puroskar 30 Setembr 2017 disa Mandal-achea Vorsuki Disa Moddganvchea Ravindra Bhovonant jyextth Konknni Lekhok Pundalik Nayak hanchea hatantlean bhettoilo.  He khatir Vincy Quadros hannem apnnak Konknnichem kar'ya korunk dilole bod'dol Goa Konknni Akademi, Dalgado Konknni Akademi ani Konknni Bhasha Mandal hanche upkar mandle ani aplea karyachi dokhol ghetlole bod'dol Konknni Bhasha Mandal-ache upkar mandle.

Bannavle Konknni zagrutai zali

Bannavle : Apounnem zaitea zonnank asta punn thoddeankuch tem favo zata.  Dekhun asat tannim zannkarancho boro faido kaddcho ani Konknni bore bhoxen vachchi ani borounchi, toxench ticho amchea ghora ghoramni vapor korun ti samballun dovorchi oso ulo Bannavlechea Patrocin Kopelacho kopelanv Eremito Coutinho hannem marlo.  Dalgado Konknni Akademin ghoddoun haddlolie ‘Konknni Zagrutai’ karyavollint to uloitalo.  Tache borabor DKA-cho Odheokx Tomazinho Cardozo, Chittnis Vincy Quadros, Bhandari Celso Fernandes, Somiti vangddi Sonia Gomes ani Irene Cardozo hajir aslim.

Vincy Quadros-an ‘Romi Lipint Konknni Borovpiank ani Vachpiank Sangati’ hea pustokacho adhar gheun boroitanam ani vachtanam mukhelponnan koslio chuki zatat tacher uzvadd ghalo ani tio chuki zainam zaunk kosli zotnai gheunk zai he vixim mahiti dili.  Uprant kaim utare hajir asloleam koddlean vachun ghetle ani vachtanam kosli sadurtai ballgunk zai tacherui uzvadd ghalo.

Uprant Tomazinho Cardozo-n DKA-n uzvaddailolea ‘Amche Dobaje Amchi Amontronnam’ hie pustikechi ani ‘Amche Dobaje ani Amchim Gitam’ hie Audio CD-chi mahiti ditanam tancho vapor korun Konknni jiber khellounk upai sanglem.  Tech borabor CD-ntlim thoddim gitam vazoun dakhoilim ani tim Irene Cardozo-chea sangatan hajir asloleam koddlean mhunnon ghetlim.

Amchea jivitant Konknni vaprunk zai ani ticho sarko upiog korunk zai, dekhun ami borovpak ani vachpak xikonk zai mhunn hajir asloleamni aplem mon ugtailem.  Hea vellar DKA-n ghoddoun haddlolea pustok prodorxonak boro protisad mell’llo.

                              *************

Dil’lichie Sahitya Akademin Romi Konknnik maneotai diunk zai : Premanand A. Lotlikar

DKA-n teg novea borovpianchim pustokam uzvaddailim

Ponnje : Dil’lichie Sahitya Akademin Romi Konknnik maneotai diunk zai ani Dalgado Konknni Akademichi dokhol gheunk zai, nam zalear tiche Gõyant jitlio karyavolli zatat, thoim virodh prodorxonam korpachi toyari korchi poddttoli oso ixaro Dalgado Konknni Akademicho adlo Odheokx Premanand A. Loltlikar hannem dilo. Teg novea borovpianchim ‘Kombri Yeuzonn’-e khala chhaplolea pustok uzvaddaunnie dobajeak Mukhel Soiro mhunn to uloitalo. Tache borabor machier  DKA-cho odheokx Tomazinho Cardozo, Up-odheokx Fr. Conceicao D’ Silva, Chittnis Vincy Quadros, Bhanddari  Celso Fernandes, toxinch pustokanchim borovpi Afonso Braganza, Annie de Colvale ani Kavita Pereira hajir aslim.

Ho dobazo 16 Setembr 2017 disa DKA-chea Reginald Fernandes Conference Hall-ant zalo.  Hea vellar uzvaddak ailolim pustokam zaun asat Annie de Colvale hacho ‘Umalle’ ho kovita jhelo, Afonso Braganza-cho ‘Mhojea Paicho Fat’ ho kotha songroh ani Kavita Pereira-acho ‘Kallzantle Umalle’ hem kovita pustok.  ‘Umalle’ pustokacher Stanley Vaz, ‘Mhojea Paicho Fat’ pustokacher Menino Almeida zalear ‘Kallzantle Umalle’ hacher Saynex D’ Souza hannem apaplie  toren pustokancher vichear manddle.  Tech borabor tegaim borovpiamnii aplem mon ugtem kelem.

DKA Odheokx Tomazinho Cardozon Sahitya Akademichea karyavollincher virodh prodorxon korunk fattim ravpachi goroz ugtaili ani poilim apunn tankam chitt boroun tanchio yeuzonno Romi lipintlea borovpiank mellunk ani her upkromamni DKA-k vanttekar korun gheunk magnnim kortolom  mhunn sanglem.

Heach vellar DKA-chea ‘Gõycho Pormoll’ nemalleachea dusrea ankachi uzvaddavnni zali ani tache vixim Chittnis Vincy Quadros kholayen mahiti dili.

Survek Up-odheokx Fr. Conceicao Silva hannem yeukar dilo zalear Bhanddari Celso Fernandes-an upkar mandle.  Mathew D’ Souza-n sutrsonchalon kelem.

                              ********************

Renver Borovp atam, khoddpar borovp zalem! : Arsebisp Filipe Neri Ferrão

Pri. Martinho Noronhachem ‘Renver Borovp ’ pustok uzvaddailem

Ponnje : Ek borovpi eka potrak aplem sankoll-borovp vo feature article neyamit dhaddtta tednam, tem ek renver borovp koxem asta, lok tem vachta ani nemallem vo disallem kon’xak uddoita. Tem magir porthun hatant dhorpachem nasta. Renver boroil’le porim, borim-borim borovpam visor-dobeant poddttat. Punn hem Renver Borovp atam, khoddpar borovp zalem! Tem atam fuddlea pillgank pasun vachunk melltta toxem urlem, oxe udgar Gõy ani Damanvcho Arsebisp Filipe Neri Ferrao hannem ‘Renver Borovp’ hea pustok uzvaddaunnie vellar ugtaile.  Tanche borabor machier DKA-cho Odheokx Tomazinho Cardozo,  Chittnis Vincy Quadros, Bhanddari Celso Fernandes ani pustokachem Sonkolon ani Sompadon korpi Dale Luis Menezes.  

Pri. Freddy J. Da Costa - hachea yezmanponna khala zolmak ailolie Akademin survatekuch thaun Konknni bhas samballunk, tigounk, ticho ukhkhol korunk ani hie vorvim Gõykarancho svabhiman, Gõychi osmitai ani sonskrutai zagounk paulam marliant, hem sogllem polleun jivak anond bhogta ani aiz Akademichea hea thar naslolea vaurant anik ek paul marun eka sompun gelolea navadik padrichi eke bhoxen sahityik xrod’dhanjoli ompli mhunn tannem khuxalkai veokt keli.

Amche modem porzollit otmik, gonvllik ani totvgineanik fuddariponn diit jiyelolea ani 1954 vorsa, Gõychea Mhadhormprantachie sevek  yadnik koso maklolea Sorgest Pri. Martinho Noronha-achi mahiti ditanam Arsebispan mhunnlem ki eka vorsa bhitor taka Sá de Bandeira hie diosezichea Bispan apnnaxim  yadniki muniarponn cholounk apoilo. Tea tempar Angolachea Sá de Bandeira dhormprantacho Gõykar Bisp Bhouxrextth Altino Ribeiro de Santana hannem taka Raiturchie Siminarint Professor astanam xikoilolo ani tache gunn vollkhun padri zatoch taka apnna fuddeant vhelolo.  Sumar vis vorsam Afrikek vavurle uprant, Padr Martinho Gõyam portholo ani to ek boreantlo boro sermanvkar vo pregador mhunn tachem nanv gazonk laglem. Ghorant Purtugez bhas ulovpi, Raiturchie siminarint Purtugez bhaxent xiklolo ani vis vorsam Gõyam bhair ravun legit borie Konknni bhaxent sermanv korta mhunn soglleankuch ojap zalolem. Unch-unch xobd, chuki-mekllem veakoronn, khol niyall ani unchle-unchle vichear manddun ani hanga-thõi hanspachim pil’lam lavun to sermanv kori, hem tachem khaxeponn aslem.

Mukhar uloitanam Arsebispan sanglem ki thoddea tempan tachem Renver Borovp Vavraddeanchea Ixttacher ani Diocesan Bulletin Renovação-acher dixtti poddunk laglem. Tea tempar Renovação Purtugez bhaxen chhapun yetalem. Ani Padr Martinhan, Evangelho nas Malhas da Vida -- hea mathallea khala ek lekhanchi sankoll suru keli. Dispott’ttea jivitant, barik-sarik ghodditamni koxie toren Jezuchi xikovnn vo Xubhvortoman amchean jiyeum-yeta hachie voir to niyall korit ani hea sonvsarant amchem jivit koxem jiyeunchem hachie voir unch-unch vichear manddun lokancho nanvvosto xikovpi vo margdorxon diupi  zaunk paulo. Tannem sobit Konknni borabor Purtugez, Hindi ani Inglez bhaxentui zaitem borovp kelem oxii Arsebispan mahiti dili.

Dale Luis Menezes hannem pustoka vixim mahiti dili.  Tomazinho Cardozo hannem yeukarachem ulovp kortanam oxe jyextt borovpi zanchim borovpam lipon asat, tim mukhar haddlear DKA tim pustok rupan chhapun haddunk toyar asa mhunn jahir kelem.

Celso Fernandes-an soglleanche upkar mandle zalear Vincy Quadros-an sutrsonchalon kelem.

                                                  *********

Injustice done to Roman script : Adv. Radharao Gracias

DKA marks Fr. Freddy J. Da Costa Memorial Day : Gulab awards presented

Margao: It is Roman script using Christians from Salcete in large numbers who have faced the problems during language agitation but due place was not given to the Roman script of Konkani in the Official Language Bill. Christians were used for the purpose.  Those who sacrificed their lives during language agitation were Christians.  They were chargesheeted and I had represented for about 70 suits against them.  Konkani is the only language of Goa and I had moved a Private Member Bill in the Assembly to give recognition to Romi Konkani, said Adv. Radharao Gracias, Ex. M.L.A. of Nuvem on the occasion of 64^th Birth anniversary of Fr. Freddy J. Costa. The function has been jointly organized by Dalgado Konknni Akademi (DKA) and Fr. Freddy J da Costa Memorial Trust.

Others present on the dais were Calangute M.L.A. Michael Lobo, DKA President Tomazinho Cardozo, Vice President Fr. Conceicao D Silva, Secretary Vincy Quadros, Heritage Activist Prof. Prajal Sakhardande and Trust President Willy Goes.   Deputy Speaker Michael Lobo, senior tiatrist Jessie Dias and noted Konknni writer, novelist and folk artiste Jess Fernandes were presented the Gulab Awards for 2017.

            Michael Lobo is the “Gulab’s Personality of the year’, Jessie Dias is selected as “Gulab Tiatrist and Jess Fernandes is the ‘Gulab Writer of the year’.   The awards were presented by Chief Guest Radharao Gracias.

Fr. Freddy J da Costa Memorial Lecture on the subject ‘Gõycho Ithas Ani Daiz: Purvil’lea Kalla Thaun 2017 Meren’ was delivered by Prof Prajal Sakhardande, a  heritage activit.

Michael Lobo thanked the organizers for choosing him for the personality of the year award. “ The language issue of Goa needs participation of parents and a patient hearing of all the stakeholders. I will make sure that the issue is solved”, he said. Tomazinho Cardozo also spoke on the occasion. 

            Fr. Silva welcomed the gathering while Willy Goes proposed vote of thanks.  Function was compered by Vincy Quadros. It ended with national anthem.  Various personalities from various walks of life attended the function.

*******

DKA-N KELO VINCY QUADROS-ACHO BHOUMAN

Ponnje : Halinch Kendr Sahitya Akademin Gõycho fanki Lekhok Vincy Quadros haka aplo Bal Sahitya Puroskar jahir kelo ani Gõychea sahityik sonvsarant ek khuxalkayechem vatavoronn nirmann zalem.  Vincy Quadros zorui Devnagri ani Romi hea donui lipiamni boroita, zalear pasun tachem chodd borovp Romi lipint zata.  Taka 'Jaduchem Pettul' hea Devnagri lipintlie bhurgeanchie Kadomborik ho Bal Sahitya Puroskar favo zala.  Khorem mhullear  hem mull Romi lipintlem borovp jem Michael Gracias sompadit 'Jivit' mhoinalleantlean kisti-kistin uzvaddak ailolem.

Hachi dokhol gheun Dalgado Konknni Akademin Julai 20vier 'Fr. Freddy J. Da Costa Ugddas Dis'-a Moddganvchea Ravindra Bhovonant Vincy Quadros-acho Kalangutt-cho amdar Michael Lobo hanchea hatantlean bhouman kelo.  Hea vellar Nuvencho adlo amdar Adv. Radharao Gracias, DKA-cho Odheokx Tomazinho Cardozo, Up-odheokx Fr. Conceicao D' Silva, Daiz chollvollkar Prajal Sakhardande ani Gulab Trust-acho Odheokx Willy Goes  hajir asle.

DKA-cho Odheokx Tomazinhon Vincy Quadrosacho bhouman korpachem karonn sangtanam hi gozal itlench dakhoun dita ki amchie Romi lipintlem sahit'ya raxttrik paunddear spordha korunk patr asa ani puroskar mellovpa itlem dorjedar asa. Mull Romi lipintlea sahityak Kendr Sahitya Akademicho puroskar mellop mhullear Dalgado Konknni Akademik ani Romi lipik gorv bhogta oxei udgar tannem hea vellar kaddle.

Konknni bhaxentlo fanki lekhok Vincy Quadrosan aizver 24 pustokam boroileant, tantuntlim 6 pustokam lipiantor kelolim asat.  To ek bhaxantorkar ani Konknni chollvollkar.  'Romi Lipint Konknni Borovpiank ani Vachpiank SANGATI' hem ek tachem mohotvachem pustok asa.  He adim tachea 'Fuldanni' hea kotha-songrohak Konknni Bhasha Monddol puroskar, 'Turo' hea kotha-songrohak Thomas Stephens Konknni Kendracho Puroskar, 'Porsum' hea bhurgeeanchea kotha-songrohak Goa Konknni Akademicho Puroskar favo zaleat. He xivai Konknni mollar taka anik zaite lhan-vhodd puroskar ani bhouman favo zaleat.

------------- 

Vincy Quadros bagged Sahitya Akademi award.

Most of the newspapers in Goa including all in Marathi carried the importance of  the award and writings of Mr. Quadros
Here is the lemon of The Navhind Times dated 4th July 2017

Vincy Quadros bags National Sahitya Akademi Award

Panaji: Konkani literary personality Vincy Quadros from Goa have been chosen for award by the the country's highest literary body - the Sahitya Akademi.  Quadros is being awarded Sahitya Akademi's Bal Sahitya Puraskar for his book 'Jaduche Petul' for children in Konkani, Sahitya Akademi announced the award after its executive board meeting held in Guwahati on Thursday."I was very excited when I heard that I've bagged the Sahitya Akademi award. I feel elated as it's a national recognition for my work," Quadros said speaking to TOI.

The Bal Sahitya Puraskar is for his book on 'Jaduche Petul' which was released in 2011. Quadros who writes both in Devnagri and Romi scripts, has written eight short story books, seven books on children's literature, one novel and another book on spiritual matters. A prominent figure in the Konkani movement, Quadros has been office bearer of several Konkani organisations and have received awards from Goa Konkani Akademi, Konkani Bhasha Mandal, Thomas Stephens Konkani Kendr, Dalgado Konkani Akademi and other Konkani institutions. 

Being a transliterator. Quadros has written six books in Devnagri and Romi script.  He is one of the translator of New Whole Bible in Konkani.  Besides he translates for various magazines in Goa.  

The award will be in the form of a casket containing an engraved copper plaque and a cheque of Rs 50,000. The Bal Sahita Puraskar will be presented to the awardees at a special function to be held on November 14, according to the Sahitya Akademi secretary K Sreenivasarao.

DKA-n Reginald Fernandes Joyonti monoili

Dalgado Konknni Akademin Junachie 14ver, 2017 disa  Reginald Fernandes Joyonti monoili. Ek fanki romanxikar zaka Romanxicho Patxai mhunn vollkhotat, taka kantaram ghoddpachi ani gavpachi kola asli.  he xivai aplea kantarank to apunnuch songit bosoitalo.

To ek boro muzg aslo.  Tannem tiatrui boroileat.  200 voir romanxi boroilolea Reginaldachi sahityik mollar favo toxi dokhol gheunk naslolean Dalgado Akademin 2015 vorsa thaun tachi joyonti monovpacho nirnnoi ghetlo ani teach vorsak tachie 101vi Joyonti disa Dalgado Konknni Akademichea Conference Hall-ak tachem nanv dilem. 

Dalgado Konknni Akademin oslea mahan borovpianchi dokhol ghevpacho sonkolp ghetla ani her sanddlolea borovpiank sodun kaddun tanchoi oso ugddas korunk kam' chalu asa.

Hea vorsak Reginaldachi 103ri Joyonti monoitanam Reginald Fernandes-an ghoddlolea ani tannench songit bosoilolea kantaranchi ek Audio CD uzvaddaili.  Tiatr Akademichea chikkar bhorlolea Conference Hall-ant CD-nt vantto ghetlolea kaim kolakaramni kantaram mhunnon dakhoilim. Hea vellar Odheokx Tomazinho Cardozo, Chittnis Vincy Quadros ani Bhanddari Celso Fernandes hajir asle. Mukhel soiro mhunn fanki Cartoonist Alexyx hajir aslo, Tache sangata Reginaldacho put Sally Fernandes ani Daniel F. De Souza hajir asle.

Hich sond gheun Alexyx-an pintarlolo Reginald Fernandes-acho Cartoon uzvaddailo ani uprant tannem to DKA-k bhettoilo.  Daniel F. De Souza hannem Reginaldachea jivitachi kotha lokam mukhar manddli.

Tomazinho Cardozon yeukar dilo zalear Vincy Quadrosan upkar mandle.  Alfonso Braganzan sutrsonchalon kelem ani Celso Fernandesan mukhel soireachi vollokh korun dili. 

                               Konknni Cholchitr Dis

Fuddlea vorsak Konknni Cholchitr Dis vhodda promannant,  odmas potrokant tortud korpachi magnni

Konknni sonstha mozbhut korunk zai : Michael Lobo

     Ponnje : Fuddlea vorsak Konknni Cholchitr Dis vhodda promannant korunk sorkara koddem ek xistt-monddoll vochunk zai ani hanv, ho dis monounk odmas potrokant tortud korunk magnni kortolom, oxem Kalaguttcho amdar ani Gõy Vidhan Sobhecho Up-sobhapoti Michael Lobo hannem mhunnlem.  Dalgado Konknni Akademi (DKA), Tiatr Academy of Goa (TAG) ani Entertainment Society of Goa (ESG)  hannim 24 Abril disa Makenez Palace hanga zodd- palvan ghoddoun Konknni Cholchitr Disa dobajeant  to uloitalo.  Tea vellar tache borabor DKA-cho Odheokx Tomazinho Cardozo, TAG-cho Odheokx Augustino Temudo ani ESG-cho Vice Chairman Rajendra Talak hajir asle.

     Michael-an mukhar sanglem ki Konknni sonsthank oslio mohotvachio karyavolli ghoddoun haddunk adhar mellon tio mozbhut korunk zai.ani apunn sorkara torfen tankam adhar diunk yotn kortolom.  Fatorddecho amdar Vijay Sardessai hachea adharan sorkara koddem ho dis vhodd promannant monounk koxe toren manddavoll korchi hacher uloitanam tannem sanglem ki fuddlea vorsak Konknnintlim cholchitram dakhoun ek mohotsov ghoddoun haddum-ia ani Konknnik voir kaddum-ia.

     8 lakh Konknni mon’xam modlea 2 lakh Konknni mon’xamni legit Konknni filmam pollelim zalear Konknni cholchitram kaddunk adhar zatolo ani sorkarachi cholchitram khatir asloli yeuzonn zata title begin producer-director hanche meren pavounk apunn yotn kortolom oxem Rajendra Talakan sanglem.

     Yeukarachea ulovpant ,  koslem-i tem Konknni cholchitr zaum,  lokamni polleunk Tomazinhon ulo marlo ani fuddlea vorsak 8 disancho cholchitr mohotsov korunk michaelan fuddakar gheunk tannem magnni keli.  Hea vellar Enemy? hea cholchitracho digdorspi Dinesh P. Bhonsle hachem-i ulovp zalem.

     Hich sond gheun ‘Enemy?’ cholchitrachea zallvonndarancho Michaela torfen bhouman kelo.  A. Durga Prasad (Producer), Dinesh P. Bhonsle (Directori),  Salill Naik (Actor), Meenakshi Martins (Actor) Mecxy Cotta (Playback singer), Samiksha Desai (Actor), Anthony Crasto (Actor) ani Schubert Cotta (Music composer).

     Survatek DKA-cho Chittnis Vincy Quadros hannem Cholchitr Disachi thodde bhitor mahiti dili ani karyavollichem sutrsonchalon kelem zalear Augustino Temudo hannem upkar mandle.  Nimanne koddem hajir asloleam khatir ‘Enemy?’ cholchitr dakhoilem.

------- 

Gõy Mogacho Kovita Utsov

Fattlea 30 vorsanchio Gõychio yadi zalio tajio

Ponnje : Gõy atam adlie bhoxen uronk nam jednam ami daram ugti ghalun jiyetale.  Ami chukantlean xiktat oxem Mukhel Soiro Dr. Bhikaji Ghanekar hannem ‘Gõy Mogacho Kovita Utsov’ (poetry Convention) monoitanam mhunnlem.  Ho Utsov Gõy Ghottok-rajyachi 30vi joyonti monounk Dalgado Konknni Akademin (DKA) 30 May disa Ponnjent ghoddoun haddlolo.  Hea vellar Dr. Ghanekara borabor DKA-cho Odheokx Tomazinho Cardozo, Chittnis Vincy Quadros ani Bhanddari Celso Fernandes hajir asle.

Dr. Ghanekaran Kovita utsovak chalonam ditanam ‘Kadamba’ hi kovita sador korunk hajir aslolea kovink Gõybhor bhonvddaun haddle.   Uprant Gõya vixim aplio bhavna ugtavpi Gõbhorche kovi hea utsovant vanttekar zale te oxe :  Silvestrina Pereira, Rena D’Souza, Sabdhya Fernandes, Ana Tereza Rodrigues, Behinda Fernandes, Liby Mendonca, Saraswati Naik, Vinda Naik, Mathew De Souza, Menino Almeida, Anthony Miranda, Annie Fernandes, J P Fernandes, Pio Esteves, Nutan Dabholkar, Kavita Pereira, Jerome Succor Alphonso, Rackson Fernandes, Cipriano Fernandes, Michelle Coutinho, Sonia Gomes, Subhash Shah, Soniya Shah, Shobha Fulkar, Alvaro Gomes, Narayan Khorjuvenkar, Prasad Sawant, Daniel De Souza, Joseph Pinto and Edwin Fernandes.

Odheokx Tomazinho Cardozon mhunnlem, “Fattlea 30 vorsant Gõy borench mudar zalam, ho bodol boro kai vaitt?  Thoddeam lokamni bodoltem Gõy pollelem zalear thoddeamni hea bodolant apnnakuch zulloun ghetleat. Konknniche vachok vaddonk zai.  He khatir Akademi adim kovi sommelonant vanttekar zatoleank yevpa-vochpacho khorch ditali, tantunt bodol korun tech poixe nemalleanchi vorgonni bhorun Konknni sahit’ya lokam meren pavovpak vichear kela.

Utsovant kovita sador korpak vixoi aslo Gõy.  Dekhun sumar 32 kovimni veg-vegllie toren Gõychem vornnon kelem. Gõycho vikas, rajkaronn, xetam, zhaddam, madd, udok, paus, nodio, ranam, zonavoram ani khub kitem.  Hea kovitantlean Gõychi ani tachea sonsadhonanchi rakhonn zaunk zai, ani zor hea sonsadhonancho ibadd heach vellar addailo nam zalear mukha vele pillgie khatir kainch urchem nam, hoch sur mukhar ailo.

Vincy Quadrosan sutrsonchalon kelem zalear Celso Fernandes soglleanche upkar mandle.

 

Assgao-ant Dalgadochea nanvan vachopghor korunk sorkaracho adhar, Dalgado Dis-ak Vinod Palyekarachi ghoxnna

Assagao, Bardez : Dalgado Konknni Akademin Assagao-ant Dalgadochea ghora zagear vachopghor korunk manddnni kelia taka Gõy sorkaracho purnn tenko bhasailo ani bhaxe sarkea sonvedon’xil bhavnam koddem sohomiti dakhoit soglle torecho adhar korunk Fisheries ani Water Resource Montri Vinod Palyekaran ghoxnna keli.  To Dalgado Konknni Acting Sarpach Victor D’ Souza hajir asle.

Akademin Dalgado Dis-a nimitan Assgao-chie St. Cajetan Firgojechea angnnat ghoddoun haddlolie karyavollint uloitalo.  Tache borabor Igorjecho Padr Vigar Fr. Agnel Quadros, DKA-cho Odheokx Tomazinho Cardozo, Chittnis Vincy Quadros, adlo Odheokx Premanand A. Lotlikar, Vangddi Afonso Braganza, Sonyojok Edwin Fonseca ani Assagao-cho

Hea vellar Dalgado Konknni Akademin uzvaddailolea ‘Gõycho Pormoll’ Tin-mhoinalleachi uzvaddaunni ani Premanand A. Lotlikar hacho Mukhel Soireachea hatantlean bhouman zalo.

Bhaxecho mogi aslolea Fr. Agnelan Assagaochea mahan putachi vollokh soglleank asunk zai mhunn jahirponni sangtanam igorjent vaproant yevpi Konknnichie Romi lipichi udorgot korun ti lipi samballun dovrunk ulo marlo ani amchie maim-bhaxecho soglleank gorv bhugunk zai mhunn sanglem.

Premanand A. Lotlikaran Gõykarponna vixim chinta ugtaitanam ami poryavoronn, nhoim-io, dongor, zage, xetam samball’llim ani Konknni bhas samball’lli nam zalear Gõykarponn khuim urtolem oso tom’nno marlo.

Survatek Tomazinho Cardozon thodde bhitor Mons. Sebastiao Rudolph Dalgadocho itihas sanglo ani protiek Gõykaran hea mahan mon’xachi Konknni seva zannun gheunk zai mhunn sanglem.

Karyavollichem prastavik kortanam Vincy Quadros-an Dalgado Konknni Akademi Dalgado Dis kiteak monoita tachi mahiti dili ani Assagaochie povitr bhuim-ier Mons. Dalgadochem Konknni kar’ya chaluch dovrunk vinonti keli.  

Uprant zalolie surbus sonksrutik karyavollint Tomazinho Cardozo, Irene Cardozo, Queeny Fernandes, Amir Shaikh, Maria Cardozo, Violet D’ Souza, Dulcina Borges ani Johny B. Gud hannim vantto ghetlo.  Alfonso Braganza hannem soglleanche upkar mandle.

Environment Day celebrated at Sanguem

Varun Beverages Ltd., a beverage industry located at Sanguem, celebrated Environment Day on 8th June 2017.  Most of the employees took part in the tree plantation.  Nearly 40 plants were planted around the factory premises.